FHI ber folk halde avstand i naturen – truleg auka fare for å verte smitta ute

Mutert virus og meir smitte i samfunnet gir auka fare for smitte utandørs i år enn i fjor. No ber FHI folk vere forsiktige på dei mest populære turmåla i Noreg i sommar.

Folk samla for å sjå lunde i Lundeura på Runde.

TETT SAMLING: I Lundeura på Runde flokkar folk seg saman for å sjå lundefugl.

Foto: PER-IVAR KVALSVIK / NRK

Denne artikkelen er over en måned gammel, og kan inneholde utdaterte råd fra myndighetene angående koronasmitten.

Hold deg oppdatert i NRKs oversikt, eller gjennom FHIs nettsider.

På fugleøya Runde er alle ute etter eit glimt av det same; lunde, også kalla sjøpapegøye.

No er hekkesesongen i gang. Då kjem tusenvis av fugl – og turistar til øya.

Skilt "fuglefredingsområde" ved Lundeura på fuglefjellet på Runde.

INNEGJERDA FUGL: Ved grensa til fuglefredingsområdet stimlar folk saman.

Foto: Per-Ivar Kvalsvik / NRK

Campingplasseigar Knut-Asle Goksøyr ristar på hovudet og ser utover ein full parkeringslass.

– Det går ei grense for kor mykje folk ein toler å ha her. Det er ikkje slik at alle desse folka er spreidd ut over fjellet. Alle skal opp på nøyaktig same plassen, seier han.

Den vesle øya Runde har det sørlegaste fuglefjellet i Noreg. Øya er ein av dei største turistattraksjonane i Møre og Romsdal.

Hva slags KOHORT dette er, vites ikke. Men parkéringsplassen er full fra før, følgelig også Lundeura. Peisfull! Og så...

Posted by Knut Asle Goksøyr on Tuesday, April 27, 2021

Goksøyr delte dette bildet då ein folkehøgskule, i tillegg til andre turistane, kom på utflukt til fuglefjellet.

Større smittefare

Overlege ved Folkehelseinstituttet, Preben Aavitsland, ber folk tenkje seg om i naturen.

Han peikar på at den engelske varianten av koronavirus no er dominerande i Noreg. Samstundes er det grunn til å tru at fleire går rundt med smitte utan å vite om det.

– Vi trur nok sjansen for å bli smitta utandørs er større i år enn i fjor. Det er viktig at ein hugsar å halde avstand, også i naturen, seier Aavitsland.

Preben Aavitsland.

SMITTEFARE: Preben Aavitsland trur sjansen for å bli smitta utandørs er større i år enn i fjor.

Foto: epidemi.as

Handsprit på fjellet

På Rampestreken i Romsdalen og Trolltunga i Hardanger vert det sett inn vakter for å organisere turistkøen.

– Vi fekk litt sjokk ei langhelg i mai i fjor. Pluselig sto folk tett i kø. Det verka som folk gløymde at smittevern også gjeld på tur, seier leiar i Romsdal Tindesenter, Ivar Brennhovd.

Kø ved Rampestreken

RAMPESTREKEN: Fjella i Rauma er store og vidstrekte, men mange har same målet. Turmålet rampestreken er mellom anna kjent frå TV2-serien Kompani Lauritzen.

Foto: Øyvind Sandnes / NRK

– Me sender opp vakter og handsprit for å passe på at besøket på Trolltunga er trygt. Det har me gode erfaringar med, seier ordførar i Ullensvang, Roald Aga Haug.

Kø på Trolltunga.

TROLLTUNGA: Eit ynda turistmål i Hardanger. Ullensvang kommune brukar parkeringsgebyr for å betale for vakthald og tilrettelegging på fjellet. Bildet er teke i juli 2020.

Foto: NRK-TIPSAR

Ved Preikestolen i Rogaland var det parkeringskaos i fjor. Dei har vakter og informasjon rundt parkeringsplassen, men ikkje ute i terrenget.

– Kvar enkelt har ansvar for å halde avstand, også i naturen. Vi har ikkje moglegheit til å passe på oppe på fjellet, seier leiar i Stiftelsen Preikestolen Helge Kjellevold.

Bør ikkje bli heime

Aavitsland i FHI håpar likevel at folk kjem seg ut på tur. Men peikar på at ein bør tenkje over at folk ein møter på turen kan vere smitta utan å vite det sjølv.

– Ein skal ikkje la vere å gå i naturen på grunn av frykt for korona, men eg håpar folk planlegg turen. Ein er no ikkje nøydd til å gå på Preikestolen og liknande stader, for der kan det bli ganske trongt, seier Aavitsland.

Preikestolen-total

PREIKESTOLEN: Stiftelsen Preikestolen har vakter og informasjonsskilt rundt parkeringsplassen, men ikkje ute i terrenget. Bildet er teke i juli 2020.

Foto: Gunnar Bratthammer / NRK

Mer om koronaviruset

Status Norge

Sist oppdatert: 07.05.2021
2 692
Smittede siste 7 dager
114
Innlagte
767
Døde
1 465 851
Vaksinerte