Arrangerte «køyr forbi-bursdag» for å unngå smitte

Frå ein smittesikker avstand, fekk den ferske 11-åringen helsingar frå familie og venner på bursdagen sin.

TRYGG AVSTAND: Gjestane til Ask syns det var ein artig ide med «køyr forbi» bursdagsfeiring.

Denne artikkelen er over en måned gammel, og kan inneholde utdaterte råd fra myndighetene angående koronasmitten.

Hold deg oppdatert i NRKs oversikt, eller gjennom FHIs nettsider.

Då Ask Torsson Aure sin 11-årsbursdag sto for tur, kunne han ikkje feire på den vanlege måten, med å invitere familie og venner i bursdagsselskap.

For å hindre at koronaviruset spreier seg, er det blant anna anbefalt at ein ikkje arrangerer barnebursdagar som før. Men barne- og familieminister Kjell Ingolf Ropstad oppfordra folk til å vere ekstra kreative. Den utfordringa tok mora til Ask.

– Sidan vi ikkje kunne invitere folk inn i heimen vår, så kom eg på at dei kunne komme køyrande forbi i trygg avstand, og gi ei bursdagshelsing til Ask, seier mor, Gyri Aure.

Ho kalla det ein «køyr forbi-bursdag».

Var ei overrasking til bursdagsbarnet

Familien på fire som er busett i Sykkylven på Sunnmøre, var ute og spelte badminton, då det plutseleg kom køyrande kjentfolk som ville gi Ask ei bursdagshelsing, sjølv visste han ikkje noko om det.

– Det var ei fin overrasking. Sjølv om det beste er å feire på den vanlege måten, så var dette veldig kjekt, seier bursdagsbarnet.

Aslak fekk ei litt anna bursdagsfeiring i år.

11 ÅR: Ask fylte 11 år i dag, den 21. mars.

Foto: Gyri Aure/privat

Om lag femten gjestar fordelt på fem bilar deltok i feiringa. Dei tok med seg flagg og ballongar, og song bursdagssong til Ask.

Gyri Aure håper også dette kan bidra til å inspirere andre til å finne alternative løysingar når dei til dømes skal arrangere ein barnebursdag.

– Vi er veldig opptekne av å delta i den felles dugnaden om å spreie minst mogleg smitte. Derfor har eg lagt ut denne videoen på Facebook, i håp om å inspirere andre familiar til å gjere det same, seier ho.

Også Anna Kompelien frå Oslo, valde ei kreativ løysing då ho skulle feire bursdag. Ho sende direkte frå bursdagen sin.

Status Norge

Sist oppdatert: 03.07.2020
8895
Smittet
14
Innlagt
252
Døde