Leirskredet gjekk i Ålvundfjord måndag. Skredet sperrar vegen. Geoteknikarar har fastslått at det er kvikkleire i området. Dermed må arbeidet med å reinske området gå føre seg med stor varsemd.
Ståle Refstie er ordførar i Sunndal.
Foto: Roar Halten / NRK– Vi er vane med stengde vegar her, men ikkje med leirskred av denne typen. Vi er heller ikkje vane med at vegane blir stengde så lenge, seier ordførar i Sunndal, Ståle Refstie til NRK.
- Les også:
Ustabilt område
Ifølgje rapporten må store deler av massane stabiliserast i samband med arbeidet. Dette skal skje mellom anna ved å anlegge ein voll av tunnelmasse frå Opdølsstranda. Det er den lause grunnen med kvikkleire som er årsaka til at arbeidet er langt meir omfattande enn ved andre typar skred.
– Området er ustabilt. Dermed må folk ikkje opphalde seg på nedsida av vegen når anleggsarbeidet går føre seg. Dette gjeld også dei som skal til hyttene i området, seier Refstie.
Kan kome nye skred
Dei ustabile massane kan føre til at det blir utløyst nye skred. Dermed er det vanskeleg å seie kva tid vegen kan opnast.
– Etter det vi får opplyst skal vegen opnast i eitt felt først og området skal stabiliserast med stein frå Opdølsstranda, seier Refstie.
