Ålesundtunnelane vart først stengt i 14.30-tida etter at ein bil fekk motorproblem i Valderøytunnelen.
– Det er klart det er uheldig når tunnelane må stenge så mange gongar med kort mellomrom, men nokre gongar er det rett og slett uunngåeleg, seier Kenneth Sætre, operasjonsleiar ved Sunnmøre politidistrikt.
Stengt tre gongar
I 17.45-tida måndag måtte Ålesundtunnelane stenge for tredje gong etter at politiet fekk melding om ein bil som lagde vanskar i Ellingsøytunnelen.
Då var det berre 20 minutt sidan Ellingsøytunnelen igjen hadde opna etter at ein bil fekk motorstans i tunnelen like etter klokka 16.00.
– I slike tilfelle blir vi nøydd til å stenge tunnelen for å unngå større ulukker. Dersom bilane står på ein av dei oversiktleg plass i tunnelen kan vi vurdere å halde tunnelen open, men når bilane står på dei uoversiktlege stadane i tunnelen, så har vi ikkje noko val, seier Sætre.
– Vi prøvar å opne tunnelane så fort som råd, men det viktigaste er at tryggleiken er på plass, held han fram.
- Les også:
