Leiar i krisegruppa i Ålesund kommune stadfestar overfor NRK at ein Ålesundsmann er blant dei sakna etter bombinga i regjeringskvartalet fredag.
- Vi i krisegruppa har kontakt med dei pårørande og følgjer dei opp. Dei har fått telefonnummeret mitt og veit dei kan ringe, seier Askim.
Mannen er busett i Oslo, arbeidde for eit av departementa og var på arbeid då bombinga skjedde.
Etter åtaket i Oslo er 30 personar til behandling på sjukehus. 9 til 10 av desse vert omtala som hardt skadde, opplyser politiet.
Leitar framleis etter omkomne
– Vi leitar framleis etter sakna i regjeringskvartalet. Søket etter sakna i Tyrifjorden held også fram heilt til vi er heilt sikre på at det ikkje er fleire døde i fjorden, seier visepolitimeister i Oslo, Sveinung Sponheim på ein pressekonferanske klokka 10 i dag.
Politiet veit ikkje kor mange sakna dei leitar etter i Oslo, men det skal ikkje vere snakk om mange personar.
– Vi leitar framleis etter omkomne i regjeringskvartalet, seier Sponheim.
