Den velkjente Sundbåten «Rapp» i Kristiansund vert teken ut av drift fordi det vert for dyrt. Tidens Krav var ført ute med å omtale saka.
Sundbåten har til no hatt tre båtar i drift, MS Angvik, MS Framnæs og MS Rapp. Men på grunn av økonomiske rammevilkår i det kommunale budsjettet må den eine båten avviklast.
Har ikkje nok pengar
Sundbåtstyret har berre pengar til å drive to slike båtar og derfor vert den eldste båten med mest vedlikehaldsbehov teken ut av teneste.
– Vi må ta bort «Rapp» fordi det er ikkje plass til tre båtar i budsjettet, men passasjerane vil ikkje merke dette, seier Susanne Kirk Lossius, dagleg leder i
Sundbåtvesenet.
Sundbåten har mellom 86–90 000 passasjerar kvart år. I tillegg til den vanlege ruta vert båtane brukt til blant anna hamnecruise.
Vil du vere med på «Rapp» sin siste tur på hamna i Kristiansund må du møte opp på Piren klokka 17.15.
Sundbåten «Rapp» skal avviklast. Men du har framleis sjansen til å vere med på tur.
Foto: Else-Karin Ulvenes
