Det hevdar avdelingsoverlege ved augeavdelinga ved Ålesund sjukehus, Odd Sletteberg.
Kraftig redusert inntekt
I dag blir nesten halvparten av alle grå stær-operasjonar utført av private legar, og inntektene til augeavdelingane ved sjukehusa går dermed kraftig ned.
Sletteberg meiner utviklinga er svært bekymringsfull. I helse Sunnmøre blir per i dag 850 pasientar operert for grå stær i året. Det betyr store inntekter til augeavdelinga, og inntektene er heilt avgjerende for drifta av øyeavdelinga.
Augepasientane er nemleg blant dei mest lønsame, og sjukehuset er avhengig av å ha dei inntektene for å kunne behandle dei mindre lønsame pasientane også, seier Sletteberg.
Mindre attraktivt
Dersom store delar av grå stær-pasientane forsvinn til private, er det også grunn til å frykte at det blir mindre attraktivt å arbeide ved avdelinga, slik at det blir vanskelegare å rekruttere og å behalde spesialistane, meiner Sletteberg.
Går gjennom private avtalar
I Midt-Noreg har 27 private augelegar avtale med det offentlege. I tillegg har Volvat i Oslo ein avtale med Helse Midt-Noreg om opeasjon av nokre få hundre pasientar.
Men alt no blir 40 prosent av grå stær-operasjonane utført av private, på landsbasis heile 50 prosent. Stabsdirektør i Helse Midt-Noreg, Per Holger Broch, seier at dei no skal gå gjennom alle private avtalar.