NRK Meny

– Mykje meir krevjande enn andre bilbrannar

Brannsjef i Kristiansund, Kjell Inge Mathisen, fortel at tunnelbrannar som den i Skatestraumtunnelen i går, er skrekken for både brannfolk og andre.

Kjell Inge Mathisen

VERSTE SCENARIO: Kjell Inge Mathisen fortel at slike ulukker som i Skatestraumtunnelen i tysdag er det verste scenariet som kan oppstå i ein tunnel.

Foto: Roar Halten / NRK

Artikkelen er mer enn ett år gammel.

Onsdag kolliderte ein tankbil med 16.500 liter drivstoff i den undersjøiske Skatestraumtunnelen i Bremanger i Sogn og Fjordane. Brannsjef i Kristiansund, Kjell Inge Mathisen, fortel at tunnelbrann er svært krevjande for brannvesenet.

– Det er mykje meir krevjande enn ein vanleg bilbrann. Du har lang innsatsveg for å komme deg inn og berre to evakueringsmoglegheiter. I undersjøiske tunnelar er det også åtte til ti prosent stigning i begge ender av tunnelen, noko som gir større sjanse for trafikkuhell.

Verste Scenariet

Direktoratet for samfunnstryggleik og beredskap publiserte i vinter ei risikoanalyse om tunnelbrannar. Der kom det fram at undersjøiske tunnelar er svært overrepresentert i ulukkesstatistikken, på grunn av mykje stigning. Mathisen fortel at det som skjedde i Bremanger i går er det verste scenariet ein kan oppleve i ein tunnel, og at slike hendingar er veldig utfordrande for redningsetatane.

– Først og fremst må ein vere nøgd med at det ikkje gjekk liv tapt i går, for ei slik hending er det verste som kan skje i ein tunnel. Ein tankbil som det oppstår brann i er skrekken for både brannfolk og andre.

Umiddelbar varsling

I etterkant av gårsdagens ulukke i Bremanger har føraren av tankbilen fått mykje skryt for korleis han oppførte seg etter kollisjonen. Mathisen forklarer kva ein bør gjere dersom noko skjer når ein køyrer i ein tunnel.

– No er det ganske uvanleg at det oppstår bilbrann i tunnel, men at uhell skjer er meir vanleg. Når uhellet er ute er det viktig å varsle umiddelbart, slik at tunnelen kan stengast. Det er også ein fordel å gå til det næraste naudskapet med telefon og bruke den, for då får vegtrafikksentralen vite nøyaktig kvar du er.

Les også: Dette skal du gjøre ved tunnelbrann

Like sikkert

I Møre og Romsdal er det heile 7 undersjøiske tunnelar. To på Nordmøre, ein i Romsdal og fire på Sunnmøre. Mathisen synest ikkje folk skal vere redde for å bruke tunnelane og fortel at det ikkje er farlegare å køyre i tunnel enn det er elles i trafikken.

– Eg synest ikkje folk skal vere engstelege for å køyre i tunnelane våre. Det er alltid litt fare for at noko kan skje i trafikken, men det er ikkje større sjanse for at noko skal skje i tunnelane. Statens vegvesen er flinke til å vedlikehalde dei.

Les alt om gårsdagens ulukke i Skatestraumtunnelen

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.