Det viser ein rapport som forskar Joakim Caspersen ved NTNU har utarbeidd saman med Høgskulen i Oslo og Akershus.
– Fagskulane har eit tilbod som blir oppfatta som veldig relevant for denne yrkesfaggruppa. Samanlikna med tidlegare undersøkingar har fagskulane også blitt betre i stand til å gå eit tilbod, seier Caspersen.
Sjølv om det naturleg nok er skilnader mellom fagområda meiner forskaren at fagskulane samla kjem godt ut av undersøkinga.
– Fagskulane blir vurderte som relevante, har eit godt tilbod og undervisarane har god kompetanse.
- Les også:
Tar til orde for 3-årig utdanning
Rektor Ragnar Johansen meiner rapporten viser at fagskulane må få tilby ei tre-årig utdanning.
Foto: Terje Reite / NRKBåde dei gode orda og den ferske rapporten blir godt mottatt av styreleiaren i Norske fag- og friskolers landsforbund, Ragnar Johansen. Han er samtidig rektor ved Ålesund kunstfagskole.
– Det er gledeleg at rapporten viser at også fagskulane går i djubda. Det opnar også opp for tre-årige fagskuleutdanningar. Då får ein eit tredje år der ein spesialiserer seg i staden for å måtte gå over på ei akademisk utdanning.
