– Det er ikkje vere, eller ikkje vere, men med siger har vi ei kjempemoglegheit til å gå vidare.
Det seier Molde-manager Ole Gunnar Solskjær til Molde sine heimesider.
Han meiner to sigrar, på dei tre siste kampane, er nok for å avansere vidare frå gruppespelet i Europaligaen.
I augneblinken leiar rumenske Steaua Bucuresti gruppa med sju poeng, medan København har fire poeng. Molde har tre, med tyske Stuttgart er sist med to.
- SJÅ:
Solskjær ser på heimekampane mot Steaua Bucuresti og København som nøkkelkampane.
– Stuttgart har ikkje tapt sidan vi møtte dei
For bortekampen mot Stuttgart ser han på som svært tøff.
– Steaua er nok favorittar til å gå vidare, men Stuttgart har kome i form no. Sidan vi møtte dei har dei ikkje tapt éin einaste kamp, seier Solskjær på spørsmål om kveldens motstandar er den tøffaste i gruppa.
– Så i kveld håper eg på uavgjort i København.
- LES OGSÅ:
I eigen kamp på Aker Stadion trur han heimefordelen har mykje å seie.
– Det blir ein annleis kamp enn i Romania. Vi har heimepublikum bak oss, med ei plikt om å angripe, underhalde og lage ei oppleving. Og så har vi vêret med oss. Dei kjem frå sol og 20 grader i Bucuresti, til rundt null grader her i Noreg, seier Solskjær.
Meir rutine
I Romania stilte Molde-manageren eit svært ungt mannskap, der det blei tap 2–0.
- LES OGSÅ:
No blir det rutine frå start.
– Vi set nok ikkje ny rekord i forhold til gjennomsnittsalder.
– Daniel (journ. anm. Berg Hestad) startar, så då blir gjennomsnittsalderen automatisk høgare, flirer Solskjær.
– Tenkjer to kampar samtidig
Tidlegare har Solskjær både sagt og sett Eliteserien fremst. No blir det tilnærma toppa lag mot Steaua Bucuresti, trass i ein viktig kamp mot Hønefoss til helga.
– Eg tenkjer to kampar samtidig. Hønefoss blir ein viktig kamp, men det er òg viktig med gode resultat og erfaringar i Europa.
Og med ei moglegheit for avansement i sikte, har Solskjær eit mål på heimebane.
– Vi har lyst til å køyre over dei. Ein prestasjon som mot Heerenveen og Stuttgart er mogleg, dersom det defensive sit, avsluttar Solskjær.
Følg kampen direkte her på NRK.no klokka 19.00.