I 2012 blei sunndalingen toppscorar i 3. divisjon i Møre og Romsdal.
Tor Erik Torske beina 33 fotballar i mål, over éin tredjedel av Sunndal sine 90 scoringar. At Sunndal enda på andreplass var Torske ein svært stor del av.
For etter 2011-sesongen, nok eit år med nestenopprykk i Kristiansund, trappa 29-åringen ned på grunn av familie og jobb.
Då opprykket var eit faktum i 2012 var KBK-trenar Geir Bakke snar med å hente Torske tilbake til klubben.
- Les også:
Merkar nivået
Så langt er Torske KBK sin toppscorar, med to mål. Spissane Jean Alassane Mendy og Jan Banan Tømmernes har derimot vore ute med skader i dei fleste kampane.
– Vi har fått nokre skadar, mellom anna på to av spissane våre. Og så fekk Roger Risholt seg ein liten strekk i sist kamp, meddeler Torske.
For 1. divisjon tek på. Kristiansund har langt frå gjort seg bort, med 10 poeng på seks kampar. Likevel merkar ein nivåforskjellen.
– Mot Mjøndalen klarte vi ikkje å stå imot. Vi møtte eit svært godt lag på bortebane, seier KBK-angriparen om 2-1-tapet torsdag.
– Vi er nyopprykka, det må vi ikkje gløyme. Det er surt å tape, men det var ein grei match.
- Les også:
– Lovar bra
Torske synest sesongopninga er godkjent.
– Vi har levert bra, og det lovar bra for resten av sesongen. Det blir nok mange jamne, tøffe kampar, der vi må få bikka dei i vår favør.
For hans eigen del er toppscorartittelen langt frå eit must å halde på, sjølv om han herja lista i 3. divisjon.
– Hehe, nei, eg har eigentleg ikkje eit mål om å bli KBK sin toppscorar, meddeler han.
For han trivst best på kanten, sjølv om han den siste tida har blitt flytta inn meir sentralt i angrepet.
– Eg skal score så ofte eg kan, men eg merkar at det ikkje er like enkelt som tidlegare. I alle fall samanlikna med 3. divisjon i fjor. No må vi verkeleg ta vare på sjansane vi får, avsluttar Torske, som oppfordrar flest mogleg om å ta turen til Idrett klokka 18.00.
- Følg: