Onsdag var det duka for den første runda av NM for menn i fotball. Molde møtte Brattvåg på bortebane, og Molde-spelar Eirik Hestad var glad for å endeleg vere tilbake på fotballbana.
– Det var herleg å vere tilbake og delta på kampar som betyr noko. Det er jo dette vi fotballspelarar lever for, seier han.
- Les også:
Sigeren smakte godt
Vegen tilbake har vore tøff og lang. 19-åringen pådrog seg brot- og sårskadar i front mot front ulukka i desember i fjor. Hestad fekk hjernerystelse og måtte bruke nakkekrage i seks veker.
– Kroppen er nesten 100 %, men den skal få tida til å jobbe hardt ei stund til før eg nærmar meg ein formtopp, seier Hestad.
– Det er langt igjen, men det er nydeleg å vere tilbake, held han fram.
Derfor gjorde det ekstra godt å bidra til 2–0 sigeren over Brattvåg i første runde i noregsmeisterskapet.
– Det er godt å vere i gong, seier Hestad.
- Les også:
