– Eit viktig symbol
Verdas første Bygdepride er i gang for fullt. Klokka 17.30 er det klart Bygdepride-parade i Volda. Mange har allereie møtt opp for å bli med på paraden. Blant dei er også kulturminister Trine Skei Grande som skal halde appell etter paraden. – Eg trur at dette er eit kjempe viktig arrangement. Det er også eit viktig symbol på toleranse i bygda. Eg trur det kan drepe mange fordommar om bygda og om homofile og lesbiske på bygda, seier Skei Grande.
