– Avgjerande å få ned kostnadane
Samferdsleminister Jon Georg Dale meiner ein må få ned kostnadane for Møreaksen, som er det traséalternativet for kryssinga av Romsdalsfjorden som ligg inne i NTP. Den alternative fjordkryssinga Romsdalsaksen har fått betydeleg oppslutnad, men førebels står Møreaksen fast, ifølgje samferdsleministeren. – Det er avgjerande å jobbe med korleis ein skal få ned kostnadane for Møreaksen, men kor vidt andre traséar skulle dukke opp som ein konsekvens av det er for tidleg for meg å prosedere på, seier Dale.
