8.mai-markeringar fleire stader

Frigjeringsdagen vart markert fleire stader i Møre og Romsdal i dag, mellom anna på rådhusplassen i Ulsteinvik framfor bysta av krigshistorikar Ragnar Ulstein.

Ulstein mannskor arrangerte markeringa som samla godt med folk i solskinet søndag ettermiddag. Det var mellom anna appellar frå Helene Bendal Nordland, som er russepresident ved Ulstein vidaregåande skule. Også to ukrainske sysken som bur ved akuttmottaket i kommunen heldt appellar. Krigen i Ukraina gjer 8.mai endå meir aktuell i år, sa fleire av dei som heldt appellar.