Fredag kan nyheita om at 900 tilsette i Aker Solutions vert ramma når selskapet no skal omstrukturere verksemda. Dette gjeld faste stillingar i Stavanger, Bergen, Trondheim, Tromsø, Sandnessjøen og Kristiansund.
Nokre kan bli omplassert, medan andre stillingar vil forsvinne, enten ved naturleg avgang eller oppseiingar, opplyser selskapet.
- Les også:
Usikker framtid i Kristiansund
– Dagens situasjon gjer at vi dessverre er nøydd til å la flinke og gode kollegaer gå, og det kan gjelde inntil 900 av våre tilsette, seier Per Harald Kongelf, sjef i Aker Solutions Norge.
Fredag kom den dystre beskjeden frå hovudkontoret i Oslo. Dei 90 personane som jobbar ved avdelinga i Kristiansund vart informert om situasjonen på eit fellesmøte i dag.
Ingen tillitsvalde eller sjefar i Kristiansund ville la seg intervjue i dag, men Anne Cecilie Lund-Andersen, pressesjef i selskapet, stadfestar overfor NRK at det er om lag 40 av dei tilsette i Kristiansund som kan bli råka av denne nedbemanninga.
- Les også:
Må gjere endringar
Det er fallande investeringar på norsk sokkel og færre oppdrag frå oljeselskapa, som skal vere årsaka til nedbemanninga.
Det er innanfor områda vedlikehald, modifikasjonar og operasjonar (MMO) i Norge at selskapet ser eit tydeleg behov for å posisjonere verksemda og styrke konkurranseevna i eit marknad med store utfordringar.
– Det har vore eit svært krevjande marknad knytt til MMO, og vi har eit minst like krevjande år i vente, seier Kongelf.
Noregs-sjefen i Aker Solutions fortel at konklusjonen har vore klar.
– Skal vi sikre eit sterkt og slagkraftig Aker Solutions innanfor MMO på norsk sokkel så er vi nøydd til å justere kapasiteten vår, kutte kostnadar og reposisjonere selskapet, seier Kongelf.
- Les også:
- Les også: