Ny runde med koronavaksine

Kommunane går no i gang med å gje ei femte dose koronavaksine til bebuarar på sjukeheimar og folk som er over 75 år.

Det er FHI som har kome med tilråding om at desse gruppene skal få ei ny oppfriskingsdose, og at denne bør gjevast innan utgangen av april.

Ålesund kommune opnar vaksinasjonsstasjonar på Moa og i Brattvåg. Det blir også vaksinasjon på sjukeheimane, hos heimetenestene, hos Medi3 og på legekontor.

Også resten av befolkninga kan få oppfriskingsdose. Det må ha gått meir enn 6 månader sidan førre dose med koronavaksine.