Frp: Vil auke løyvingane til vegbygging
Framstegspartiet vil auke løyvingane til Nye Veier med ein milliard kroner i sitt alternative statsbudsjett for 2023 som blir lagt fram i dag. Nye Veier har ansvaret for E136 mellom Vestnes og Dombås.
– Dette gjer at arbeidet med å utbetre E136 kan kome i gang, seier stortingsrepresentant Frank Sve (Frp) som er nestleiar i Stortingets transportkomite.
Frp vil auka løyvinga til rassikring av riksvegar med 500 millionar kroner og til fylkesvegar med 500 millionar.
Partiet har og sett av 50 millionar til planlegging av Strynefjellsvegen og 50 millionar til planlegging av Blindheim-Brevika i Ålesund og aukar løyvinga til vedlikehaldet av fylkesvegane med 500 millionar kroner.
