Trafikken nærmar seg normalen

Nesten 88.000 passasjerar reiste over Ålesund lufthamn Vigra i mai. Det er fire gongar så mykje som i 2021, då trafikken var sterkt prega av pandemien. Då var det sterke restriksjonar på utanlandstrafikken, og det er difor rutene til Amsterdam, Gdansk, Kaunas og Alicante som aukar mest. Samanlika med før pandemien ligg trafikken 13 prosent lågare enn i mai 2019.