Skal bli lettare for barn å klage på barnevernet.
Ei ny nettside som blir lansert idag, skal gjere det lettare for barn å klage på barnevernet.
Det er statsforvaltarane i heile landet som står bak nettsida som heiter «Jeg vil klage nå».
Barna kan skrive inn namn og telefonnummer og blir deretter kontakta. Barna slepp å gjere greie for kva saka handlar om.
– Dette er enkelt, seier statsforvaltaren i Møre og Romsdal, Else May Norderhus, som meiner det er viktig å styrke barna sine sjansar til å klage gjennom ein slik kanal.
Det er Barne- og familiedepartementet som har tatt initiativet til denne styrkinga.