Overskot for Ulstein Group
Ulstein Group hadde i 2020 ei omsetning på 1,64 milliardar kroner og eit driftsresultat på 7,8 millionar kroner. Konsernets driftsresultat for 2020 viser at restruktureringsprosessen har gitt resultat, sjølv i eit år der covid-19 har hatt stor innverknad, skriv selskapet i ei pressemelding.
–Dette er eit vitnemål om at vi har lykkast med omstillingsprosessen etter nedgangen i olje- og gassmarknaden, seier konsernsjef Cathrine Kristiseter Marti.
Ho legg vekt på at nybygde skip i stadig aukande grad vert utrusta med meir miljøvenleg teknologi, og at moglegheitene framover innan låg- og nullkarbonløysingar er forventa å auke.