Tiltalt for grov kroppsskade

I dag startar rettssaka mot ein mann i 30-åra etter ein valdsepisode i Volda i fjor haust. Mannen er tiltalt for grov kroppsskade og saka har ei strafferamme på over seks år. Ein mann i 20-åra fekk alvorlege skader etter å ha blitt slått i hovudet og falt bakover, slik at han slo hovudet i bakken. Mannen blei sendt til Haukeland sjukehus i Bergen for behandling og låg i ei periode i kunstig koma. Det er sett av ein dag til saka.