Sigrid til Jugendfest 2021

Artisten Sigrid Solbakk Raabe vil returnere til Color Line Stadion i Ålesund i 2021. Ålesundaren skulle spele på Jugendfest i år, men festivalen blei avlyst på grunn av koronapandemien. I staden heldt ho ein minikonsert 7. august som folk kunne sjå på nettet. No blir Sigrid annonsert som den første artisten til Jugendfest 2021.

– Mange hadde gledd seg til å sjå Sigrid på Jugendfest igjen, så det er veldig kjekt å kunne fortelje at ho er med neste år, seier festivalarrangøren Momentium.