– Kan lukkast

– Det ligg til rette for å lukkast med budsjettbalanse på ein heilt annan måte i 2020 enn i 2019, heiter det i budsjettforslaget for Helse Møre og Romsdal.

Bakgrunnen er mellom anna det omfattande omstillingsarbeidet som er sett i gang i 2019.

I budsjettforslaget blir det likevel peika på fleire risikoar. Risikoane handlar om eventuelle auka kostnader i klinikkane, om korleis kostnadsauke blir styrt og mellom anna om det er mogleg å få til auka aktivitet som gjev inntekter.

Administrerande direktør legg opp til månadlege møte med klinikksjefane for å få så tett oppføling av utviklinga i økonomien som råd.