Vil utvikle miljøvenlege ullklede
Tingvoll Ull er eit nytt prosjekt med ambisjon om å utnytte råvaren ull av farga pigmenterte sauerasar. Dette er ull som i dag blir kasta, og tonnevis av denne mangefarga ulla berre i vårt område går i dag til spille. Sauebonde Arnar Lyche har fått med seg fleire aktørar i Tingvoll som vil utvikle ei heilnorsk verdikjede som skal produsere kortreiste, miljøvenlege klede av denne ulla frå sauar som har naturlege fargar på ulla.