Vil oppretthalde skuletilbod
Fleire mat- og reiselivsbedrifter i Stranda protesterer mot forslaget om å legge ned studieretning Restaurant- og matfag ved Stranda vidaregåande skule.
Fylkeskommunen skal spare pengar og foreslår ei rekkje endringar både på vidaregåande skular og i kollektivtrafikken.
Skulen og bedriftene har gått saman om å marknadsføre skuletilbodet. Dette har ført til auka interesse for restaurant- og matfag, heiter det i ei fråsegn frå bedriftene.
Brevet er underskrive av Orkla Foods, Norsk Sjømat, Ole Ringdal, Stranda Hotel, Hotel Union Geiranger (bildet) og Grilstad.