Leitar med drone i bratt fjellside
Torsdag ettermiddag skal politiet leite etter sakna Maya Herner ved Saudehornet i Ørsta, skriv Sunnmørsposten. Polske Maya Herner har vore sakna etter ein fjelltur sidan november i fjor. – Vi har fått tak i ei god drone og skal flyge i ulendt og bratt terreng, seier Frode Digernes ved Ørsta og Volda lensmannskontor. Området det no skal søkjast i er øvst i Saudehornet, i underkant av vesttoppen. Dette er eit område som er vanskeleg å kome til i, men Digernes seier det er perfekte flyforhold i dag.
