Årets studentbedrift

Artifish SB vart i dag kåra til årets studentbedrift i NM i studentbedrifter. Studentbedrifta har utvikla eit unikt opplæringssystem kalla EDDI, som skal trene opp såkalla reinsefisk. Reinsefisken skal brukast til førebygging og behandling av lus. Studentbedrifta held til på NTNU i Ålesund. – Det er litt uverkeleg. Det har vore utruleg hard konkurranse i år, så å gå heilt til topps var utruleg artig, seier leiar i Artifish, Simen Sæter.