Uro over medieoppslag
Styret i Helse Midt-Noreg brukte om lag tre kvarter på å gjennomgå presseoppslag i samband med kuttprosessen i Helse Møre og Romsdal.
Fleire av styrerepresentantane uttrykte uro over korleis medietrykket påverkar tilsette i føretaket.
– Det er eit massivt trykk. Vi må diskutere korleis vi kan handtere dette medietrykket, sa styrerepresentant Liv Stette.
– Vi må oppretthalde styrke og tillit til systemet vi er sett til å forvalte. Vi er uroa for effekten på dei tilsette, sa Stette.
Kommunikasjonsdirektør Tor Harald Haukås la fram ein presentasjon som viste medieoppslag både i regionavisene og NRK i samband med kuttprosessen i Helse Møre og Romsdal.
Også dagens styremøte blir fulgt av representantar for pressa,(bildet) både frå Tidens Krav, Romsdals Budstikke, NRK Møre og Romsdal og Sunnmørsposten.