Vil stoppe tunnelar

Lastebileigarforbundet vil stoppe nye undersjøiske tunnelar og heller utbetre bruer og ferjeløysingar i frykt for tunnelbrannar. – Eitt av prosjekta som bør utsettast, er den 16 kilometer lange og 360 meter djupe tunnelen som er planlagt under Romsdalsfjorden mellom Ålesund og Molde, seier administrerande direktør Geir A. Mo, i Noregs lastebileigarforbund til VG. Dei meiner tunnelane har eit enormt katastrofepotensial, og trur mange av dei store fjordkryssingane på E39 kan utsettast. Fylkestinget i Møre og Romsdal har gjort sine vedtak i saka om vegen mellom Ålesund og Molde, og det er undersjøisk tunnel, opplyser fylkesordførar Jon Aasen til VG.