– Gods på bane er viktig for Rauma

Raumabanen og godstransport generelt blir sentrale tema når jernbanedirektør, Kirsti Slotsvik, gjestar formannskapsmøtet til Rauma i dag. Det seier ordførar i kommunen, Lars Olav Hustad. Han vektlegg at godstransport på bane er svært viktig for kommunen av fleire grunnar. – Rammevilkåra for gods på bane er for dårlege i Noreg i dag. For lokalmiljøet er det tre ting som er viktig. For det første er det snakk om lokale arbeidsplassar, både dei som jobbar på terminalen og dei som har arbeid knytt til transport av gods. Når godstoga blir lagt ned blir det også meir trafikk over på veg, noko som går utover trafikktryggleiken og miljøet, seier Hustad.