Meiner skredtiltaka er for dårlege
Dei evakuerte etter skredet i Årsetdalen i Ørsta fekk i kveld flytte tilbake til heimane sine. Dette er den tredje evakueringa på fem år. Dei som bur der meiner tiltaka mot skred ikkje er gode nok. – Det er galskap. Elva burde ikkje gått der ho går, seier Ernst Larsen. Berre flaks gjorde at det ikkje gjekk liv då det første store skredet kom i 2013, og 40 menneske måtte evakuerast.
Kommunen vedgår at dei ikkje har gjort nok, og hadde tidlegare i dag møte med NVE om situasjonen. – Folk kan ikkje leve under dette presset i lengda, det må leggast ein plan for å gjere noko med dette, seier Stein Aam (Sp), ordførar i Ørsta.
Regionsjefen har i dag bestemt seg for å reise til Årsetdalen for å vurdere situasjonen. NVE har det overordna ansvaret for rassikringa i Noreg, men vil førebels ikkje love noko. Sjå meir her:
