– Forseinkingane er eit problem

– Dei gjentatte forseinkingane slit på dei tilsette og pasientane som må halde ut med det gamle sjukehuset i Molde i minst fem år til. Det seier føretakstillitsvalt for Yngre legars foreining, Ida Kamilla Monn Birkhaug. Bygginga av det nye fellessjukehuset på Hjelset i Molde skulle starte i november, men blir minst eitt år forsinka. Monn Birkhaug meiner at fleire forhold ved sjukehuset i Molde er uhaldbare. – Det verste er at det går utover pasientane. Vi har framleis mange pasientar på same rom og vi har problem med å sikre tausheitsplikta, seier ho.