Likestillingsprisen til Bygdepride

Møre og Romsdal fylkeskommune sin likestillingspris for 2018 går til Bygdepride i Ørsta/Volda. Prisen blir delt ut på fylkestingsmøtet i Geiranger 15. oktober og består av eit diplom, eit kunstverk og 15.000 kroner. – Det er veldig kjekt å kunne dele ut årets pris til Bygdepride, seier Marit Nerås Krogsæter, leiar i kultur- og folkehelseutvalet i fylkeskommunen. Bygdepride blei arrangert for første gong i år i Volda og Ørsta, og samla fleire tusen personar.