Vil ha svar frå regjeringa
Leiaren for samferdselsutvalet i Møre og Romsdal, Kristin Sørheim frå Senterpartiet, krev eit skriftleg svar frå regjeringa for å få avklart om Romsdalsaksen kan greiast ut. Frp vil ha utgreid Romsdalsaksen som eit alternativ til Møreaksen, men statsministeren har uttalt til media at toget har gått for Romsdalsaksen. Målet er å få ei ferjefri kryssing av Romsdalsfjorden. Motstanden mot Møreaksen er aukande blant folk, og Sørheim trur prosjektet kan bli svekt etter kommune- og fylkestingsvalet neste år.
