Hopp til innhold

Krev detaljert rapportering

Det nye styret i Helse Møre og Romsdal skjerpa fredag krava til detaljert rapportering kring arbeidet med å halde seg til budsjettet. Dette kom inn som eit krav til administrasjonen etter orienteringa om situasjonen ved Helse Møre og Romsdal i februar. I vedtaket heiter det at styret uttrykkjer ei uro kring økonomien i helseføretaket. Helse Møre og Romsdal enda opp med eit underskot i forhold til budsjettet på 2 millionar kroner i februar.

– Vi tvilar ikkje på at det jobba godt med dette. Men vi er eit nytt styre og føler behov for detaljerte oversyn, sa styreleiar Ingve Theodorsen (bildet).

Ingve Theodorsen
Foto: Terje Reite / NRK