Huset er over 6300 år gamalt
Hustuftene frå steinalderen som blei funne på Giske i september, viser seg å vere dei eldste intakte tuftene frå eldre steinalder her i fylket. Det runde huset på fire gonge fire meter blei bygd for 6300 til 6400 år sidan, har eit amerikansk laboratorium slått fast. Det var skal frå hasselnøtter i tuftene som avslørte den høge alderen. Fylkeskonservator Bjørn Ringstad seier at både arkeologar og kommunen er innstilte på at hustuftene blir bevarte for framtida og vidare forskning.