Endra køyretrasé i festivaltida
Det blir endra køyretrasé i Ålesund sentrum frå 8. juli til og med 27. august, melder FRAM. På grunn av avvikling av ulike festivalar i Ålesund sentrum i juli og august, køyrer alle bybussar som brukar St. Olavs plass alternativ trasé i denne perioden. Endringa gjeld linje 610, 611, 618 og 624. Desse bussane vil køyre ruta Kipervikgata, Korsatunnellen, Ålesund rådhus, Rutebilstasjonen. I same periode vil heller ikkje Dronning Sonjas plass vere betjent. Bussane vil i staden gå frå Ålesund rådhus.
