Kamer Qaka ferdig i KBK
Kristiansund Ballklubb og spelaren Kamer Qaka er blitt samde om å oppheve kontrakten med verknad frå dags dato.
Det melder Kristiansund Ballklubb på sine nettsider.
Qaka kom til KBK før 2016-sesongen og blei kåra til årets spelar i OBOS-ligaen i 2016. Han blir omtalt som ein publikumsfavoritt på Kristiansund stadion og ein viktig bidragsytar til at Kristiansund rykka opp i Eliteserien i 2016.
Qaka har vore sjukmeld den siste tida. Verken klubben eller spelaren ønskjer å kommentere saka.
