Framdrift på Hjelset

Til hausten blir både rivinga av dei gamle psykiatribygga, arbeid med vegar og anlegg og sjølve hovudsjukehuset lagt ut på anbod. I tillegg kjem rundt 60 leveransar innan IKT og 100 leveransar innan medisinsk utstyr.

Riving av gamle bygg er kostnadsrekna til 20 millionar kroner. Infrstruktur er sett til 70 millionar. Og bygg og tekniske løysingar er sett til 800 millionar kroner.

I september skal reguleringsplanen gjennom kommunestyret i Molde. I November og desember skal forprosjektet gjennom styra i Helse Møre og Romsdal og Helse Midt-Noreg.

I januar startar rivinga av gamle bygg på Hjelset. Byggestart på Hjelset er sett til november 2018. Byggestart i Kristiansund er sett til midten av 2019.

Bygga på Hjelset skal stå fysisk ferdig i desember 2021. Innflytting og overlevering skjer våren 2022, ifølgje ei orientering for styret i Helse Møre og Romsdal i dag.