- Det var spennande og veldig artig å ha Kronprinsen på besøk. Eg merka at alle i klassa var veldig ivrige og ville vere med, seier Celine Løvoll Hildrestrand, som går første året på helse- og sosialfag.
- Vi har vore med og skrive historie i dag, det er litt sykt, men veldig artig, seier ho.
Imponert over kuffertberar
Sjølv fortalde Kronprins Haakon at fleire historier som elevane fortalde om verdigheit gjorde inntrykk.
- Ein elev fortalde at han hadde hjelpt nokon på bussen med å bere noko tungt, ein annan hadde gått tur med ei gamal dame, sa Kronprinsen.
Stolt Kronprins
I to timar torsdag formiddag var kronprinsen med og underviste 1.klassingane på ålesundsskulen Borgund vidaregåande skule. Kort sagt har temaet voreå lære ungdommane å vere stolte og ha respekt både for seg sjølv og andre.
- Eg er veldig spent. Det er mykje styr på skulen i dag, sa elevrådsleiar Anne Marte Brautaset på førehand.
Dignity Day
For fire år sidan bestemte Kronprins Haakon seg for å vere med å lære unge om verdigheit. Visjonen er ifølgje organisasjonen sjølv:
1. Å fremme verdighetsbasert lederskap.
2. Å stimulere til en global samtale om verdighet.
3. Å engasjere ungdom i betydningen av verdighet.
Store forventingar
På førehand hadde elevane store forventningar til dagen.
- Vi syns det er utruleg stort at Kronprinsen vil lære oss om verdigheit. Vi reknar med at han vil fortelje om sitt syn på dette, og kanskje også spørje oss, sa Brautaset torsdag morgon.
Ingen stilte i bunad eller speilfløyel torsdag. Det var desto tettare mellom dongeribuksene og hettegensarane.