Med låg fart og guiding på norsk, engelsk og tysk vil konsernsjef Einar Enger i NSB gjere Raumabanen til ein turistatraksjon.
- Alt ligg til rette
Med stupbratte fjellsider og fossefall meiner han strekninga har det som skal til for å greie dette.
– Her er ein imponerande natur med variert landskap. No er siktemålet å få flest mogleg turistar til å ta banen. Det meiner eg alt ligg til rette for.
Begeistra ordførar
Ordførar Torbjørn Rødstøl i Rauma kommune er glad for NSB si satsing på Raumabanen.
Foto: Sissel Helen Kvalvik / NRKOrdførar i Rauma, Torbjørn Rødstøl, synest satsinga er svært spennande. Han trur dette vil bety svært mykje for reiselivet kommunen.
– Eg trur det ligg eit stort potensiale i satsinga. Vi er van med store turiststraumar gjennom Rauma, men eg trur dette vil auke turistmengda betrakteleg.
