Måndag blei det kjent at Eiksund får 12,6 millionar kroner frå selskapet.
- Vi er veldig glad på Bårds vegne at han slipper å gå enda ei runde i retten, seier Tom Eitvet i Landsforeininga for Trafikkskadde.
Trafikkskadde Bård Eiksund (31) frå Herøy får den høgaste utbetalinga her i landet etter ei trafikkulykke.
Trakk ankesaka
Årsaka er at If trakk ankesaka som skulle opp for lagmannsretten 1. april. Dommen frå herredsretten vert dermed ståande.
Eiksund blei lam frå livet og ned etter ei motorsykkelulykke i Ulsteinvik i 1997. Han har sidan kjempa for å få erstatning.
Tom Eitvet i Landsforeininga håpar forsikringsselskapa endrar praksis slik at dei trafikkskadde slepp å gå i retten for å få erstatning.
- Vi håper at man kanskje er litt flinkare til å gje dei skadelidande den erstatninga dei skal ha utan nødvendigvis å måtte gå i retten, seier han.