NRK Meny
Normal

- Me er godt nøgde med å ha sikra plassen

– Etter ein dårleg sesongstart var målet å berge plassen, seier spelande trenar Jonatan Magnusson i Kristiansund Håndballklubb. Søndag kveld avslutta dei sesongen med tap.

Kristiansund handball

Kristiansund gjekk på eit tap i siste kampen for sesongen. 812 tilskodarar såg kampen mot Lillestrøm i Skedsmohallen.

Foto: Roy W. Aakre

Jonatan Magnusson

– Me har ikkje lyst å vere i nedrykksstriden, seier spelande trenar i Kristiansund Håndballklubb, Jonatan Magnusson.

Foto: Roy W. Aakre

Like over nedrykksstreken. Nummer ni av dei tolv laga i fyrstedivisjon for menn. 16 poeng vart fasiten for sesongen for nordmørslaget. I siste runde var det opprykkskandidaten Lillestrøm TH som stod på motsett banehalvdel i Skedsmohallen.

– Det gjekk ikkje bra. Me klarte ikkje å henge med, sa Magnusson då kampen var over.

– Lillestrøm var i storform

Dainius Matutis

Dainius Matutis vart kåra til Kristiansund sin beste spelar etter kampen mot Lillestrøm.

Foto: Roy W. Aakre

På resultattavla stod då siffera 36–25. Heile 812 tilskodarar var komne til hallen for å sjå heimelaget kjempe om opprykk til eliteserien.

– Lillestrøm var i storform. Dei kjempa for opprykk, og klarte det, seier den spelande trenaren.

Magnusson tok over sommaren 2013 då landsmannen Gunnar Magnusson gav seg for å reise heim til Island. No ser den spelande trenaren framover, og håper på ein betre sesong.

Usikker på neste års stall

– Me har ikkje lyst å vere i nedrykksstriden. Det er mykje som må gjerast, seier han om førebuingane til neste sesong.

No skal han, saman med spelarstallen og leiinga i klubben finne ut kven som blir med vidare.

– Det er alt for tidleg å seie korleis stallen ser ut neste år, men det jobbar me med utover våren, fortel Magnusson.