- Galskap i alle ledd

Det er Dag Lausund som har laga dokumentarfilmen.

– Historia i filmen er enkel: Dei samlar material til bålet, dei bygg bålet, for så å brenne det ned.

Men det filmskaparen ynskjer å vise er kva det er som driv ungdommane til å leggje ned hundrevis av timar på eit bål som brenn ned på kort tid.

Arbeider døgnet rundt

I filmen syner Lausund livet blant ungdommane som bygg verdas høgaste bål. I tida før jonsokaftan brukar mange av bålbyggarane store delar av døgnet på Slinningsbålet.

– Ved bålet lagar dei mat og ser fjernsyn, men først og fremst er det snekring og hardt arbeid.

- Galskap

Bålbygginga er ein viktig del av ungdomstida til dei som bygg bålet meiner filmskaparen. Han legg likevel ikkje skjul på at det er eit element av galskap i det å bygge eit så høgt bål.

– Det er galskap i alle ledd. Eg trur ungdomane som bygg bålet også vil vedgå dette.

Filmen ”Det siste bålet” går på NRK1 klokka 22.30 måndag kveld.