- Eg er skuffa over at vi med dette budsjettet ikkje greier å gjere noko særleg med forfallet på vegane våre, seier ho. - No er oljeprisane høge, dermed blir asfalten dyrare slik at det blir lagt færre kilometer med ny asfalt.
Blant samferdselsprosjekta i Møre og Romsdal på statsbudsjettet finn vi desse:
- Det er sett av 18,8 millionar kroner til rassikring.
- Forlenging av bompengeperioden for KRIFAST for å finansiere andre vegprosjekt på Nordmøre.
- E136 Åndalsnes - Dombås får 13 millionar kroner, hovudsakleg til gang- og sykkelvegar. Strekningar på Lesja skal prioriterast.
- Til E39 Ålesund - Trondheim er det sett av 14,6 millionar kroner, vesentleg til trafikksikringstiltak.
- Det blir anleggsstart på strekninga E39 Renndalen (Halsa) til Staurset bru (Sør-Trøndelag).
- Til Riksveg 70 Kristiansund - Oppdal er det sett av ei investeringsramme på 4,5 millionar kroner til trafikksikring og planlegging.
- Rassikringsmidlane skal nyttast til fullfinansiering av riksveg 62 Fressvika - Jordalsgrenda. Problem med ein tunnelopning har forseinka prosjektet, som ein no reknar med skal opnast i desember i år.
- Riksvag 64 Atlanterhavstunnelen (Kristiansund - Averøya) får 245 millionar kroner til vidareføring. Tunnelen skal opnast for trafikk tidleg i 2009.
- Arbeidet på riksveg 662 ved Haukabøen i Molde skal førast vidare.
- Sjøverts trafikk:Det er sett av 11 millionar kroner til utdjuping av farleia i Røyrasundet i Herøy.