Det er ei kalsium- og kaloristerk blanding som skal til for å lage mølsgraut; heilmjølk, sæterrømme og kulturmjølk er mellom ingrediensane.
- Blandinga skal koke inn til ein tredel av mengden, fortel Martinus Peder Haugen.
Sjå heile oppskrifta på sida av artikkelen.
Mange liter om gongen
Gjennom verksemda MPs hjemmebakeri i Surnadal lagar han mange liter mølsgraut i året.
- Eg veit ikkje kor mange liter det vert årleg, men eg lagar store mengder når eg først er i gong. Vanlegvis brukar eg 30 liter mjølk, seier Haugen.
Dersom ein lagar litt mindre porsjonar er det imidlertid raskare å koke inn.
Helst ubehandla mjølk
Den beste mjølka er den som knapt er rørt av menneskehender.
- Den finaste grauten lagar ein av mjølk rett frå gardane. Dersom den ikkje er verken homogenisert eller pasteurisert vert grauten så glatt som råd, seier Martinus Peder Haugen.
Den som ikkje kan skaffe seg mjølk rett frå kua, må passe på å velgje den raude kartongen i mjølkedisken på butikken.
Rører i timesvis
Haugen gir gjerne tips til den som vil lage mølsgraut.
- Bruk ein tjukkbotna kasserolle, helst av aluminium. I tillegg er det viktig at det ikkje legg seg i botn. Difor må ein røre heile tida.
- Står du og rører i åtte timar?
- Ja. Ein lyt stå og røre i åtte timar.
Høyr tredje luke i NRK Møre og Romsdal sin adventskalender her:
