Hopp til innhold

- Almlid må halde fram

Styreleiar i Helse Midt-Noreg, Kolbjørn Almlid, må få halde fram, meiner hovudtillitsvald i legeforeininga.

Kolbjørn Almlid
Foto: Ørn E. Borgen / Scanpix

Etter at Riksrevisjonen la fram den kritiske rapporten om anbodsrot for ambulansane, har fleire antyda at styret i helseføretaket bør bli skifta ut.

- Tydeleg leiar

Hovudtillitsvald Bernd Müller er usamd i alt Kolbjørn Almlid skal gå av. Han meiner Almlid har vore ein dyktig leiar, trass i det som har skjedd i ambulansesaka.

- Styreleiar Kolbjørn Almlid har framstått som ein klar og tydeleg leiar. Eg meiner vi har fått utteljing for dette. Sjå berre på utjamninga av skeivfordelinga mellom helseregionane, seier Müller.

- Ikke overrasket om Almlid går

Kraftig kritikk

Denne veka kom Riksrevisjonen med kraftig kritikk av Helse Midt-Noreg i samband med ambulansesaka. Helse Midt-Noreg blei kritisert for utilstrekkeleg organisering, sviktande planlegging, manglande rutinar, manglande kvalitetssikring, og utilstrekkeleg kompetanse i viktige funksjonar i leiinga. Deler av anbodsprosessen kan ha vore utført i strid med lova.

Helse Midt-Norge slaktes

- Ryddigare

I tillegg meiner Müller at prosessane i helseregionen har blitt ryddigare, og at styret opptrer meir audmjukt og er innvolverte på nye måtar.

- Administrerande direktør Thoresen måtte gå, og det er tilfellet med andre i administrasjonen også. Det har vore konsekvensar for enkelte, seier Müller.

Arbeidsro

Müller håpar no at den nye direktøren får arbeidsro. Han åtvarar mot det han kallar eit "leiarmessig vakum".

- Dersom ein fjernar eit styre, sjølv om det kan vere veldig fristande, risikerer vi at vi berre fell inn i eit leiarmessig vakum. Eg vil dermed åtvare mot det som sikkert mange føler seg frista til å gjere akkurat no. Eg er redd for at det ville vere eit feilgrep, seier Müller.