NRK Meny
Steinar Lindstrøm gir deg oppskrift på ein god gryterett Foto/redigering: Alf Vidar Snæland

HELGEMAT: Ei god kjøttgryte som kan stå og putre på omnen. Foto/redigering: Alf Vidar Snæland

Okseragu

Ei varmande oksegryte, som har fått putre på omnen til kjøtet er godt mørt, er god helgemat.

Slik gjør du

Ragu er det franske ordet for steikt og kokt kjøt. Denne okseraguen, eller oksegryta, som vi kan kalle den på norsk er full av gode smakar.

Du startar med å brune oksekjøt utan bein i ei steikepanne. Ha i salt og nykverna pepper. Skjær kjøtet i litt små fine bitar og brun dei lett på alle sider. Ha kjøtet i kokande vatn og tilsett buljongterningane. Ha i lett bruna laukar, nokre delte og nokre heile, saman med tomatpureen.

Kok til kjøtet er mørt, i ca. 1,5 time.

Lag ei bruning av smør og mjøl og la den få ein karamellbrun farge. Ikkje bruk for sterk varme, slik at mjølet svir seg. Sil av krafta frå kjøtet og lag saus av bruninga. Tilsett kjøttet, og la dette kokast ferdig. Sausen skal ikkje bli for tjukk, tilsett litt meir vatn, dersom det er behov for det. Smak til med balsamicoeddik og litt sukker.

Tips

Som tilbehør bruker du det som du likar best. Erterstuing, kålstuing, gulrøter, kokt kålrot og kokte poteter eller potetpurè.