Det tar ikkje så lang tid å setje maten på kok eller i steikeomnen. Men der skal han stå lenge. Då er det greitt at du er i nærleiken, men du treng ikkje halde på med matlaging heile tida.
Bankekjøtt
Oksekjøtt som er banka, skal surre under lokk i cirka 2 1/2 time. Kjøtt, løk og saus småkoker medan du førebur tilbehøyret.
SJÅ ÒG: Oksekjøtt kokt i mørkt øl i meir enn to timar: Biff- og ølgryte
Glasert svinekjøtt
Her er det fleire trinn før middagen står på bordet. Først skal svinekjøttet kokast i opp mot to timar og så bli avkjølt. Deretter skal det glaserast i ei gryte før det skal inn i steikeomnen til slutt. Då blir det farleg godt!
Godt krydra lam
I denne oppskrifta er det brukt indiske krydder i sausen som lammeskankene skal koke i. Og dei treng bort imot 3 timar i gryta.
SJÅ ÒG: Ein variant med lammekjøtt av bog eller nakke i curry-gryte: Curry curry lam nam!
Kok buljong eller kraft
Grønsakene skal koke i 2-3 timar før du siler dei. Dette blir grunnlaget for ein skikkeleg god ramen.
SJÅ ÒG: Hønsekraft som skal koke i 3-4 timar: Hønsekraft. Den kan du bruke til bønnesuppe med eple og timian.
And i burgarbrød
Andebryst skal brunast i panna før dei skal koke i minst 1 1/2 time, gjerne 2. Kjøttet blir rive frå kvarandre og blir forma til små slidere og blir serverte i burgarbrød.
SJÅ ÒG: Lang tid i marinering, timesvis på grillen: «Pulled chicken»